Urlaubsregion Waginger See
Die Gemeinden um den Waginger See präsentieren sich gemeinsam auf dem Webportal "Waginger See". Dort finden sie viele weitere Informationen
Um an Waginga Sä umazdum
'S naxte zum eikaffa finst zwoa Killomedder vo ins in Bedding.
Des scheene Deafal Waging hod scho an Hauffa Ladl und Gschäfta und is mid fümf Killomedder owei nu guad mim Radl zum daglanga.
- Do schaugst vo Denhausn iba'n Waginga Sä
Radlwegal
Vui guad ausgschuidlde Radlwäg bringan di um an Waginga Sä, an Schoarama Fuiz, neba da Soizach lang oda a um an Keamsä. Do hods kam Hugl, wia's voa de Oipn nomal wá. Gloane Radlrund kinnan vo dem her á one grebere Gschichtn undanumma wean.
Wenn oana moand er breichad a guade Schtrek, dea kimmd á auf seine Kosdn, wia beispielhoiba mid a Tuur mid seim Bergradl auffe zua 
Stoisser Oim (Hechn zwoifhundadzworasibzg Medder). Do kunnst mid deim Bergradl a Tuur vo dreihundert bis zwoadausndfümfhundad Medda am Dog leicht macha.
A a Renradlnarrischa ko weid foan, grod bis as nextglenge Estareich, wia üwa Laffa an da Soizach auf Owadrumm mid seim Owadrummer Sä
Vui vo dene Schdrassn auf dene Tuurn is kám oana unddawegs und bringan di scho moi üwan Schodaweg ins Zui.
Schaug a moi bei de Radl- und Wanderweg vo da Touristinfo Petting
Fahrradverleih
- Zweirad Schmuck in Waging a. See, Tel. 08681/222
- Shell Station www.grabl-waging.de
- Hotel Eichenhof www.hotel-eichenhof.de (auch E-Bikes und Pedelecs)
Roischua fahn
Mid a Rundn um an Waginga Sä (wennst an Dachinga Sä auslosst) kimmst auf achzen Killomeddaa. De ganz Zeid fahst auf beerige Radlwäg. Alloa 'z Bedding muasd zfrim sei mim Gähwäg und da Stross. Vo Denhausn umme auf Waging is bis letzts Joa zwa a Radlweg, fia'd Roischua aba koa Gaudi ned. Des Stickal mid oam Killomedda is im Heabscht letzts Joa nei heagrichd worn.
Vo Waging auf Denhausn konnst á nebam Dachinga Sä weida bis auf Dengling fahn und am Strandbod Dengling 'd Fiass vonand schtreka. Um an Dachinga Sä umazdumm kimmst mid de Roischua ned, dafir gabats auf da enta Seidn vom Sä vo Dengling zruck auf Denhausn an beerign Schodawäg glei nebam Sä, guad fia a Radlrundn.
